Ram leilung faten state-ah ro an rel chhunzawm ang : Assam CM

Assam Chief Minister Sarbanada Sonowal chuan Assam chu ram neitute ta a nih thu sawiin, ram leilung fate chuan state-ah rorelna an chan chhunzawm zel dawn tih a sawi.

Assam Dhemaji district-a Mishing tribe festival-ah Nilaini khan Sonowal hian thu a sawi a ni.

CM Sarbananda Sonowal chuan pawnlam mite chuan tualchhung mite chu an luahlan thei dawn lo tih sawiin, hun lokal zel turah pawh ram leilung fate ngeiin ro an rel chhunzawm zel dawn thu a sawi. Mishing community ṭhalaite chuan khawvela an state pholang turin mawhphurhna an nei tih a sawi bawk.

Sarbanada Sonowal chuan Mishing tribe chu hna taima leh culture hausa tak nei an nih thu sawiin, an community cultural heritage-te humhalh a nih theih nan Jonai-ah ”sanskritik kshetra” (cultural arena) din a ni dawn tih a sawi. Assam sorkar chuan ram leilung fa nuai khat hnenah ram patta sa thlap pek an tum tih a sawi bawk a ni.