Assam: AGP in LS inthlan atana ruahmanna siam tur panel din

Assam-a Citizenship Amendment Bill, 2016 vanga kumtira BJP an thawhpuina aṭanga inhnukdawk, Asom Gana Parishad (AGP) chuan Lok Sabha inthlan awm tur atana ruahmanna siamtu tur, mi pakua awmna commitee an din.

AGP leader Ramendra Narayan Kalita chuan hemi chungchang hi Ni­ngani khan sawi chhuakin, executive commi­ttee meeting an neihnaah committee chuan panel member turte hi a ruatchhuak tih a sawi. Inthlan awm tur atana party hmalak dan turte chu committee hian an ngaihtuah dawn tih a sawi a, party chak zawng-te an enfiah dawn tih a sawi bawk. Inthlan awm turah thawhpui an nei dawn nge dawn lo tih pawh committee kutah hian a awm dawn tih a sawi a ni.

Ramendra Narayan Kalita chuan an party chu CAB chungchanga an dinna a la ngai reng tih sawiin, an dodal zel dawn tih a sawi bawk.

Hetihlai hian  CAB Rajya Sabha-a a tlawlh tak avangin AGP hian BJP kaihhruai NEDA an zawm leh maithei nia sawi thawm a awm bawk a ni.