State pumpuiah ILP hman theih dawn : Nagaland Governor

Nagaland Governor P B Acharya chuan Ningani khan state sorkar chuan state puma Inner Line Permit (ILP) hman a nih theihna turin thulukna an siam tih sawiin, Dimapur-a commercial hub pawh a huam dawn tih a sawi.

P B Acharya chuan ILP chu state puma hman theiha siam a ni dawn tih sawiin, Nagland chhunga dan loa lut an awm lohna turin ILP chu an hmang dawn tih a sawi bawk.

Bengal Eastern Fron­tier Regulation Act of 1853 hnuaiah Naga mi ni lote chuan Nagaland an luh dawnin ILP an neih a ngai a, mahse hei hian Dimapur district a huam lo thung. 

Governor Acharya chuan dan loa state chhunga lut an awm loh­na tura hma an lakna kawng­ah civil society, village council-te leh mipui­te thlawpna an mamawh dawn tih a sawi a ni.

Citizenship Amend­ment Bill (CAB) chu thil ngaih thutak tur tak a nih thu sawiin, hetih lai vek hian state chhunga lut ru-ten society-a harsatna an thlen chungchang pawh an ngaihtuah a ngai hle tih a sawi. 

Nagaland sorkar chuan CAB chu an dodal in an pawm lo tih sawi bawkin, January 31-a civil societies, tribal hohos, NGO leh political party-ten meeting an neih ṭum pawhin CAB chu an hnawl tih a sawi bawk.