Akhil Gogoi-a'n chaw ngheia nawrh huaihawt dawn

Krishak Mukti Sangram Samiti (KMSS) hotu, Akhil Gogoi chuan March 1 aṭang hian Citizenship Amendment Act (CAA) duh lohna lantirin a tanna jail chhungah tiam chin awm loa chaw ngheia nawrh huaihawt a tum tih a sawi. KMSS hruaitu dangte pawhin an zawm dawn a ni. 

Nimin khan Akhil Gogoi leh KMSS hruaitu dang, Akhil Gogoi, Dharjya Kinwar, Bitu Sonowal leh Manash Konwar-te chu National Investigation Agency (NIA) court-ah hruai an ni. Court-a hruai an ni hnuah Gogoi chuan CAA dodalna an lantir chhunzawm zel dawn tih sawiin, mipuite pawh he dan duh lohna lantir zel turin a sawm.

Nikum December 11-a Parliament-a Citizenship Amendment Bill (CAB) pass a nih avanga Assam-a duh lohna lantira nawrh huaihawt a nih hnuah, December 12 khan Jorhat aṭangin Gogoi hi man a ni a, tun thlengin hren chhunzawm an la ni.