Assam-ah zu chhe in vangin mi 133 thi tawh

Assam-a Golaghat leh Jorhat district-ah kar liamta Ningani aṭanga nimin thleng khan zu chhe in vanga thi mi 133 an awm tawh thu tarlan niin, mi 200 vel damdawi-inah enkawl mek an ni bawk.

Ningani zan khan Golaghat Salmora tea estate-ah leh Jorhat district-a Titabor sub-division-a thingtlang khaw pahnihah mi tam tak chuan zu chhia an in-a, an buai phah hle a, thihpui pawh an tam tawh hle a ni.

Additional Director General of Police (Law and Order) Mukesh Agar­wal chuan he thubuai kaihhnawihah hian mi 10 an man tawh thu sawiin excise pahnih chu Zirtawpni kha suspend an ni tawh bawk.

Excise Department official-te chua case 90 ziahluh a nih tawh thu sawiin, Inrinni thleng khan zu litre 4,860 manin an paih tawh tih an sawi.

Chief Minister Sarbananda Sono­wal pawhin Inrinni khan Jorhat Medi­cal College tlawhin zu vanga harsatna tawkte enkawl dan a enfiah a ni.