Tripura police-te'n ruihhlo Rs. vbch. 4 man hu tichhia

Tripura Police-te chuan Ningani khan Budhjung Nagar-ah ruihhlo cheng vaibelchhe 4 mah hu an tichhia.

Deputy Inspector General of Police (DIG) leh Drug Disposal Committee chairman ni bawk L.Darlong chuan Supreme Court thupek angin State Level Drugs Disposal Committee chuan Ningani khan ruihhlo an mankhawm sa cheng vaibelchhe 4 leh nuai 14 man hu hi an tichhia tih a sawi.

Ruihhlo an tichhiatte hi - ganja kg 6539, khuh damdawi bottle 38, Yaba tablet 64, 215 leh Heroin gram 470 a ni a, heng ruihhlote hi thla hnih liamta chhunga state chhung district hrang hrang aṭanga an man khawm a ni.