FSM-te'n festival pali thleng dawn

Film Society of Manipur (FSM) chuan thuchhuah siamin, kumin chhunga film festival pali an thlen tur thu an tarlang. Federation of Film Societies of India (FFSI)-te nen ṭangkawpin thlatin Inrinni vawi thumnaah film screening an nei dawn tih an tarlang bawk.

FSM president Meghachandra Kongbam chuan an state-a film industry chawisan chu an tum ber a ni tih a sawi a, film festival buatsaihna tur calendar siam an tum tih a sawi bawk. Kongbam chuan June leh July thlaah hian Italian film leh American film-te pawh chhuah an tum tih a tarlang.

Meghachandra Kongbam hi national film critic award pawh lo dawng tawh a ni a, a kaihhruai FSM hi an state-a film industry chawilar nan leh cinema hall ṭhenkhat khar tawhte thar thawh leh tura din a ni. Manipur state khawpui Imphal-ah hian tun dinhmunah chuan cinema hall pahnih chiah a awm nia tarlan a ni a, cinema hall lar tak tak ṭinte chu zirna-in, sumdawnna hmunah leh biak-inah te leh a ni tawh nia tarlan a ni bawk.