Sikkim MLA-te'n vawiinah Rinawmna thu tiam dawn

Sikkim 10th Sikkim assembly member-te lakluhna chu vawiin hian neih a ni dawn tih Raj Bhawan chuan an tarlang.

MLA tharte lakluhna in­khawmah hian pro-tem Speaker Sangay Lepcha chuan MLA thlantlin thar mi 29-te rinawmna thutiam laktirna hi a nei dawn a ni. Sikkim state assembly-ah hian seat 32 awm mah se candidate pathum- Chief Minister hlui Pawan Kumar Chamling (SDF), DT Lepcha (SDF) leh Kunga Nima Lepcha (SKM)-te chu seat pahnih ṭheuhah thlan tlin an ni.

Inthlan hmasaah khan chief minister thar PS Golay hi legis­lative assembly member a ni lo a, 2014 election-ah khan Golay hi a in candidate lo a ni. Kumin Sikkim state assembly inthlan hi Lok Sabha inthlan nen a ruala neih a ni a, PS Golay-a party Sikkim Krantikari Morcha (SKM) chuan seat 17 lain hnehna an chang. Hetihlai hian Pawan Kumar Chamling-a  kaihhruai SDF chuan seat 15 lain, kum 25 zet an sorkar hnuah eptu lamah an ṭhut angai ve tawh thung dawn a ni.

Pawan Chamling hi India rama chief minister ni rei thei ber a ni a, CM a nih lai hian Sikkim chu India rama organic state hmasa berah puan a lo ni tawh bawk. SKM hi Chief Minister PS Golay-a'n 2013-a a din a ni a, sorkarna an siam ṭum khatna a ni. PS Golay hian a hmalakna hmasa ber atan, kar khat chhunga sorkar hnathawkten ni ruk chhung office an kal ṭhin chu ni ngaah a tihtlem sak a ni.