Manipur-ah ruihhlo Rs. vbch 11 hu man
Manipur-a Tengnoupal district, Imphal leh Moreh inkar kawngpui NH-102-ah Assam Rifles-te chuan heroin, World is Yours (WY) tablet leh brown sugar cheng vaibelchhe 11.35 man hu zet an man.
Assam Rifles-te chuan thuchhuah an siamah kar hmasa khan Moreh aṭanga Imphal pan van pakhat an dapnaah ruihhlo tam tham tak hi an man tih an tarlang. Tuchhuah an siamah chuan an thudawn bawhzuia beihpui an thlaknaah heng ruihhlote hi an man tih an tarlang a ni.
Lirthei khaltu Moreh khuaa cheng Md Feroz Khan (28) pawh an man nghal a, ruihhlo leh a lirthei nen hian Tengnoupal Police-te kutah an hlan a ni.