AP-ah JD(U)-in Pema Khandu sorkar thlawp dawn

Arunachal Pradesh-a Janata Dal (United) party chuan Pema Khandu kaihhruai Bharatiya Janata Party (BJP) sorkar an thlawp tur thu an sawi.

Inrinni-a thuthar thehdarh­tute an kawmnaah JD(U) Legislative Party Leader Techi Kaso chuan BJP sorkar chu chhan leh vang awm chuang loin an state chhungah chuan an thlawp dawn tih a sawi. Arunachal unit JD(U) chuan an national president leh Bihar CM ni bawk Nitish Kumar-a hnen aṭanga kaihhruaina an dawn zawmin BJP chu an thlawp tih a sawi a ni. 

JD(U) hi BJP kaihhruai National Democratic Allia­nce-ah member an ni a, Aruna­chal-ah hian MLA pasarih an nei. Pema Khandu kaihhruai sorkar hi National People's Party (NPP) pawhin an thlawp dawn tih an lo sawi tawh bawk a, NPP pawh hi NEDA member zinga mi tho an ni.