Manipur : Hna zawng inziaklut 3,26,963 an awm
Manipur-a Employment Exchange office hrang hrangah April thla thleng khan mi 3,26,963 an inziaklut tih State Employment Service report, Manipur sorkar-a Directorate of Employment-in an tihchhuahah chuan an tarlang.
Heng zinga 2,22,988 hi mipa an ni a, hmeichhia 1,03,975 an awm bawk. Imphal west district-ah hna zawng inziak lut mi 51,962 an awm a, Imphal East district-ah 38,600, Thoubal-ah 42,738, Bishnupur-ah 37,085, Churachandpur-ah 35,786, Ukhrul-ah 26,259, Senapati-ah 51,109, Tamenglong-ah 24,213 leh Chandel-ah 15,476 an awm a ni.
Heng zingah hian rualbanlo 3,082 an awm bawk.