AP : CM Khandu-a'n portfolio sem fel

Arunachal Pradesh Chief Minister Pema Khandu chuan a cabinet minister thar mi 11-te hna chanpual, portfolio chu Inrinni khan a siam fel ta.

Deputy chief minister Chowna Mein chuan finance depart­ment a chang dawn a, investment, power and non-conventional energy resources department-te a chang. Finance leh investment portfolio-te hian planning department a huam a ni. 

Home & interstate border affairs, rural development & panchayati raj leh parliamentary affairs portfolio-te chu Bamang Felix-a'n a chang thung. Health & family welfare minister hlui Alo Libang chuan a portfolio ngai a chang a, social welfare, women & child development, social justice leh empowerment & tribal affairs department-te a enkawl dawn a ni. 

Taba Tedir chu education, cultural affairs, leh department of indigenous affairs-te chantir a ni a, education minister hlui Honchun Ngandam chuan rural works department a chang thung. Wangki Lowang chuan public health engineering & water supply leh DoTCL-te a chang a, Kamlung Mosang chuan urban development, municipal administration & govern­ment estates leh civil supplies & consumer affairs-te a chang a ni.

Tumke Bagra chuan indus­tries, skill development, textile & handicrafts leh trade & commerce department-te a chang a,  Mama Natung chuan youth affairs & sports leh water resources-te a chang bawk. Tage Taki chu agriculture, horticulture, fisheries leh animal husbandry, veterinary & dairy development minister atan ruat a ni a, Nakap Nalo chuan tourism leh transport & civil aviation department-te a chang a ni.

Chief minister Pema Khandu chuan minister dangin an chan loh charge dang zawng chu a chang tel dawn bawk a, Pathianni khan cabinet meeting an nei nghal bawk a ni.