Nagaland: Plastic free zone-ah Dzükou Valley puang dawn

Nagaland-a Southern Angami Youth Organization (SAYO) te chuan World Envi­ronment Day denchhenin ‘Plastic Free Zone’ ah Dzükou Valley puan an tum.

SAYO-te hian thla hmasa chhung khan Dzükou Valley-ah hian beihpui an thlak a, henglai hmun vel hi tifaiin plastic leh bawlhhlawhte an tifai a ni. Dzükou Valley leh a chhehvelah hian plastic chhia an paih nasa ṭhin hle nia tarlan a ni a, mit a tihkham mai bakah environment tan pawh a pawi thei dawn tih tarlan a ni bawk. Hei vang hian SAYO-te hian beihpui hi an thlak ta a ni.

Youth Resources & Sports Advisor, Er. Zale Neikha chuan June 5 hian Viswema thingtlang khuaah official-in ‘Plastic Free Zone’-a Dzükou Valley puanna hi a nei ang. Southern Angami Public Organization (SAPO) Presi­dent, Vimeyol Theyo chuan kalkhawm mipuite fuihna a nei dawn bawk a ni.

Dzükou Valley hi Naga­land leh Manipur inrina laia awm, hmun mawi tak mai a ni a, tuipui level aṭanga metre 2452-a sanga awm a ni.