Assam national park parukna tur Dima Hasao-ah din dawn

Assam chuan an state national park parukna tur chu Dima Hasao dis­trict-ah din turin hma a la mek a, ram­ngaw zau tak humhalha national park siam turin nasa takin hma an la mek. 

National park siam an tumna hi Simleng lui kam sq. km 100 vela zau a ni a, Cachar district-a Borail Wildlife Sanctuary leh state ṭhenawm Meghalaya-a Nampuh Wildlife Sanctuary-te pawh a zawm dawn a, ramngaw zau tak humhalh a ni thei dawn a ni.

Dima Hasao forest thuneitute chuan North Cachar Hills (Dima Hasao) Autonomous Council hnenah national park siam rawtna hi an thlen a, council-in an pawmpui a nih chuan sorkar hnenah ruahmanna an siam dan kimchang an thlen thuai dawn tih an sawi. Dima Hasao forest official-te chuan an phur tawh hle tih an sawi bawk.

Naturalist Dr Anwaruddin Chou­dhury, Development Commissioner for Hill Areas chuan national park siam a nih chuan tourism lamah nasa takin Assam chuan hma an sawn theih dawn thu a sawi a ni.