Manipur-ah Rohingya mi 9 man

Manipur police-te chuan Indo-Myanmar ramri Moreh khuaah Rohingya pakua an man tih sawiin, Aadhaar card lem an man tel tih Inrinni khan an sawi.

Superintendent of Police Vikramjit chuan an thudawn bawhzuiin Tengnoupal check post-ah Rohingya mi pali May 27 khan an man tih a sawi a, pahnih hi hmeichhia an nih thu leh Aadhaar card lem an kawl vek thu an sawi a ni.

May 28 khan Moreh-a hotel-ah Rohingya mi panga dang an man leh tih sawiin, hmeichhia pathum an tel leh tih a sawi bawk.