Dan loa hna latu official-te chungah action kan la ang : Pema Khandu

Arunachal Pradesh chief minister Pema Khandu chuan Education department hnuaiah dan loa hna lak a awm nia sawi chungchangah, thil dik lo tihnaa inhnamhnawih official-te chungah action lak a ni dawn tih a sawi. 

Congress member, Ninong Ering chuan Edu­cation department-ah hian zirtirtu leh post dang ṭhenkhatah interview nei loa lak an awm tih a sawi a, hei hi CM chuan chhangin dan loa hna lak a awm tih finfiah a nih chuan cancel leh nghal vek a ni dawn tih a sawi. 

Chief Minister chuan hna lak danah thil dik tawk lo a awm leh awm loh enfiah turin Arunachal Pradesh Staff Selection Board (APSSB) din a ni tawh tih a sawi bawk. Education minister Ta­ba Tedir pawhin Ering-a complaint theh­luh avang hian hna lak dan chungchang hi department-in a chhui chiang nghal tih a sawi bawk a, report an thehluh thuai a beisei thu a sawi a ni. Minister chuan APSSB din a nih hnuah Education department hnuaia hna thar lak a awm lo niin a tarlang.