Covid-19 : Sikkim-in khuahkhirhna siam thar leh
Sikkim sorkar chuan hri kai an pun chhoh lehna state paruk aṭanga kalte tan khuahkhirhna a siam thar leh.
Tun hnaiah ram chhunga state ṭhenkhatah Covid-19 hri kai an pung chho leh a, hei vang hian heng state paruk - Maharashtra, Tamil Nadu, Kerala, Telangana, Karnataka leh West Bengal aṭanga Sikkim-a lut turte tan RT PCR negative test certificate an neih a ngai a, hei hi Sikkim an luh hma darkar 72 huam chhunga an test a ngai a ni. Rapid Angtigen Test an pawm lo tih principal secretary (health) K Sreenavasansulu chuan a sawi.
Sikkim aṭangin zirlai tam tak South India lamah an awm tih sawiin, Sreenavasansulu chuan heng mite pawh hi khuahkhirhna siam hian a huam vek a ni, a ti. "Sikkim-ah hri leng khuahkhirh a, Covid-19 hri kai zat pawh single digit-a tlakhniam tumin theihtawp kan chhuah a ni. Vaccine pek chhuah hna pawh ṭha taka kalpui mek a ni. Hei vang hian hri leng hi a hluar chho leh tawh lohna turin inven a ngai a ni," tiin Sreenavasansulu chuan a sawi.