Assam inthlan thawh khatna atan hriattirna tichhuak

Election Commission chuan Assam assembly inthlan neih tura a thawh khatna atana hriattirna chu Thawhlehni khan a tichhuak. 

Assembly inthlan hi thaw thuma neih a ni dawn. Inthlan thawh khatna hi March 27-ah neih a ni dawn a, April 1 leh 6-ah thawh hnihna leh thawh thumna neih leh niin, May 2-ah vote chhiar a ni ang. 

Seat 126 awmna, Assam assembly inthlan thawh khatna hi district 11-a Assembly constituency 47-ah neih a ni dawn a, inthlan chuh tumte tan March 9 thleng nomination paper thehluh theih a ni. March 10-ah nomination paper lutte chu endik a ni ang a, inhnuhdawk duhte tan March 12 thleng hun pek an ni bawk.

Inthlan thawh khatnaah hian vote nei mi nuai 80 vel an awm niin election official-te chuan an sawi.  State pumah vote nei hi mi 2,32,44,454 an awm a, kum 2016 assembly inthlanah khan vote nei 1,98,66,496 an awm a ni.