Imphal media house beih kaihhnawihah Police-ten hmeichhe pahnih an man

Manipur-a February 13-a Imphal khawpuia media house beih a nih leh chanchinbu tihchhuak lo tura vau a nih kaihhnawihah police-ten hmeichhe pahnih an man. 

Imphal West SDPO Bidyapati Thingbaijam chuan media house an beih chhan tak hi hriatchian ala ni lo a, he pawikhawihnaa a mawhphurtu ber nia hriat chu man a la ni lo bawk niin an sawi. February 13 khan hmeichhe pahnihte hian two-wheeler aṭangin Imphal-a nitin chhuak chanchinbu, Poknapham office kawtah hand grendate an vawm a, a hnuah chanchinbu hi thla ruk chhung tichhuak lo tura vau zui a ni bawk.  

Media house beih a nih avang hian Manipur-a chanchinbu mite chuan lungawi lohna an lo lantir tawh a, pawikhawihtute chu a rang thei ang bera man turin thuneitute an phut a ni. Lungawi lohna lantirna atan state chhunga electronic leh print media-te chu ni rei vak lo tihtawp an ni bawk a ni. 

Police-te chuan Poknapham chief reprot chuan an office beih a nih hnu, February 24 khan WhatsApp aṭangin vauna hi a dawng leh niin an sawi. February 27 khan police-te chuan he thil thleng kaihhnawihah hian mi pali an lo man tawh bawk.