Meghalaya lungalthei khur : Ruang pakhat hmuh belh

Indian Navy tuilut thiamte chuan Inrinni khan Meghalaya lung­alhthei khura tang zinga ruang pakhat an hmuh belh leh.

Chhanchhuah hna thawktu official chuan Navy-te hian Inrinni zan 9.30 khan remotely operated underwater vehicle (ROV) hmangin East Jaintia Hills lungalhthei khur, ft. 370-a thukah ruang hi an hmu tih sawiin, a ṭawih nasa tawh hle tih an sawi.

Ruang chu a chhiat tawh avangin, ROV hmanga hnuhchhuah an tum pawhin a darh dawn zel tih an sawi a ni. ROV hmang hian January 16 leh january 26 khan tang zinga mite ruang hi an lo hmu tawh a, Inrinni khan a pathumna an hmu leh chauh a ni.

East Jainita Hills-a lungalhthei khurah hian December 13 khan mi 15 an tang a, chhan­chhuah hna hi la thawh chhunzawm reng niin, Coal India Limited, Kirloskar Brothers Limited leh KSB-te chuan tui pump chhuah hna hi an la thawk reng a ni.