Meghalaya lungalhthei khur: Ruang palina hmu leh

Indian Navy tuilut thiamte chuan Pathianni khan Megalaya East Jaintia Hills lungalhthei khura tang zinga mi ruang pakhat chu an hmuh belh leh niin official-te chuan an sawi.

Ruang pathumna an hmuh aṭanga ni hnih hnuah ruang palina hi an hmu leh a, ruang an hmuh tawh zawng zawng hi operated underwater vehicle (ROV) hmanga an hmuh te an ni hlawm. 

Ruang palina hi khur chhung ft. 230-a thukah hmuh niin tlai dar 4.30 velah khan an hmu niin an sawi a, ruang hi a chhe hneh tawh hle tih an sawi bawk a ni.