AP: State sorkarin NPP MLA Tirong Aboh thihna thubuai NIA kutah hlan
Arunachal Pradesh sorkar chuan Khonsa West legislator Tirong Aboh-a leh midang 10 thah an nihna thubuai chhui hna chu, National Investigation Agency (NIA) kutah dah turin Pathianni khan thutlukna an siam.
Pathiannia state cabinet meeting hmasa ber an neihah chief minister Pema Khandu chuan NPP MLA thah a ni chu a dem thu sawiin, a hnua CMO office thuchhuah chuan council of minister ṭhukhawm chuan lungrual takin Aboh-a leh midang 10 thah an nihna thubuai chu NIA kuta dah turin thutlukna an siam tih an tarlang.
Cabinet chuan mitthi chhungte hnenah zángnadawmna cheng nuai 2 ṭheuh pek an tiam a, an chhungte tu emaw ber sorkara Group C hna pek an ni dawn tih an tarlang bawk. Torong Aboh-a leh amah zuitu midang 10-te hi May 21 khan Tirap district-ah helten lambunin an that a ni. Thi zingah hian Aboh-a fapa pawh a tel. Inthlan result chhuakah khan Aboh-a hian Khona West Assembly constituency-ah hnehna a chang zui a ni.