Manipur-ah ZUF hel 4 man

Indian Army leh Bishenpur Police ṭangkawp chuan June 2 khan Zeliangrong United Front (ZUF) hel pawla an hotu lu pathum an man.

Old Cachar Road, Bishenpur-a thingtlang khaw pakhatah heng hel pathumte hi an man tih an sawi. An mi mante kut aṭang hian silaimu chi hrang hrang an man tel bawk.

PRO (Defence), Col C Konwer chuan an mi mante chu pawi­khawihna hrang hranga inhnam­hnawih tawh an ni tih sawiin, an hotu lu pathum man an nih avangin an pawl chuan buaina an hmachhawn dawn tih a sawi. ZUF chuan an pawl chhungah buaina an tawk mek tih a sawi bawk.

An mante hi - Self Styled Lt Gen Arei Thoitak Chiru, Commander-in-Chief (Military Wing), Self Styled Maj Simeon Kharam, Self Styled Lt Col Kalandi David Gonmei leh Joint Secretary, Makuilongdi-te an ni. Self Styled Lt Gen Arei Thoitak Chiru hi security force-ten hun rei tak an zawn tawh a ni a, Col Konwer chuan man a ni ta chu tualchhung mipuite tan a thawventhlak dawn hle tih a sawi.

Hel leh silaimu an mante hi Police Station Bishenpur kutah an pe vek a, thu an la zawtfiah leh dawn a ni.