Cabinet minister-te siksawi an ni dawn: Manipur CM

Manipur chief minister N. Biren Singh chuan tun thla chhungin an state cabinet siksawi a ni dawn tih nimin khan a sawi.

World Environment Day programme lawmna peng pakhat, Ukhrul district-a Hundung khuaa neihnaa thu a sawinaah Biren Singh chuan cabinet an inthlak kual tur thu hi a sawi. Minister-te chu an che ṭhat dan a zir te, an discipline, party tana an rinawm dan te leh hruaitu ṭha an nih dan te enin an inthlak kual dawn a ni, a ti.

Chief Minister chuan NDA sorkar hmasaa minister 40% vel chu BJP sorkar tharah paih an ni tih sawiin, hetah pawh hian an chet ṭhat dan a zir te, an discipline, party tana an rinawm dan te leh hruaitu ṭha an nih dan te an en tih a sawi. Sorkar laipui kalphung angin anni pawh an kal dawn tih a sawi bawk.

Naga People’s Front (NPF) in BJP an thlawp dawn em tih an zawhna chu chhangin, Biren Singh chuan sorkar laipuiah pawh BJP kaihhruai NDA an thlawp a, Manipur-ah pawh chutiang tho chu a ni dawn tih a sawi.