AP Minister fapa dam chhung tang turin hrem
Arunachal Pradesh Industries minister Tumke Bagra-a fapa chu tualthah thubuaiah Lepa Rada district court chuan thiam loh chantirin, dam chhung tang turin a hrem.
Tumke Bagra-a fapa Kajum Bagra hian March 26, 2017 khan West Siang District-a Aalo hotel kawtah Kenjum Kamsi a kaphlum a ni. He thil thleng hi CCTV aṭangin a hmuh theih a, an inhnial buai hnuah a kap ta mai tih CCTV aṭang hian a hmuh theih a ni.
Court chuan Indian Penal Code Section 302 hnuaiah thiam loh chan tirin dam chhung tang turin a hrem a, cheng sangnga chawi turin a ti bawk. Arms Act Section 27(1) hnuaiah thiam loh chan tir a ni tel bawk.