Manipur court-in 2006-a inthahna thleng ennawn turin CBI hriattir
Manipur-a Imphal East-a Court of Chief Judicial Magistrate chuan kum 2006-a inthahna thleng nia sawi chungchang chu ennawn leh turin Central Bureau of Investigation (CBI) a hriattir.
Court chuan he thil thleng hi chhui ṭha leh tur leh, Sagolsem Vikram leh Nogdam Khumanthem Diwan-te thah an nih dan chungchangah thuneitute hnen aṭanga information-te la leh turin a ti a ni.
Kum 2006 khan Assam Rifles sipaite chuan S Vikram leh Nogdam Khumathem Diwan-te hi an kaphlum a, sipaite chuan an inbeihnaah an kaphlum nia an sawi laiin, an chhungte chuan inbeihna thleng nia sawi hi sipaiten an phuah chawp, lemchanna mai niin an puh thung.
CBI hian he thil thleng chungchang hi kum 2012 aṭang khan lo chhui tawhin, kum 2018-ah report pawh a lo thehlut tawh a ni. Report a thehluhah hian sipaite thusawi a dik lo nia puhna hi finfiahna leh record ṭha engmah hmuh tur a awm lo niin a tarlang. Mahse hei hi S Vikram nupui leh Extrajudicial Execution Victims Family Association, Manipur (EEVFAM) chuan pawm loin court-ah petition an thehlut leh a ni.