Tripura : BJP worker-ten eptu hruaitu bei

Tripura assembly-a opposition deputy leader, CPIM hruaitu Badal Choudhury chu Thawhlehni khan South Tripur district-a Manirampara-ah BJP worker ṭhenkhatin an bei niin CPIM chuan a tarlang. 

Party thuchhuah chuan Chowdhury leh party hruaitu dangte hian Manirampar khuaa Kokborok language movement martar, Dhananjay Tripura thih champha puala hun an hmannaah BJP mi leh sate hian an bei niin a sawi. Chowdhury hian hliam a tuar bakah, a motor pawh a chhia niin an sawi bawk. 

He thil thleng duh lohna lantirin, CPI(M) chuan Agaratala-ah kawng an zawh a ni. Hetih lai hian BJP hruaitute chuan an puhna hi thu dik lo niin an sawi a, police-ten he thil thleng chungchang hi an chhui mek tih an tarlang bawk a ni.