Loneitu leh producer group tan Rs vbc 200 kan hmang dawn : Meghalaya CM

Meghalaya chief minister Conrad K Sangma chuan a kaihhruai sorkarin kum hnih chhungin state chhunga loneitute leh producer group-te chawikanna atan cheng vaibelchhe 200 a hmang dawn tih a sawi. 

Nilainia 'Chief Minister’s Mobilisation Support for Producers' programme a hawnnaah CM chuan he thu hi a sawi a ni. Meghalaya Livelihoods and Access to Markets Project (Megha-LAMP) hnuaiah producer group 1,260-te ṭanpui niin, PRIME iniatiative hnuaiah producer group 936 ṭanpui a ni bawk. Megha-Lamp hnuaia producer-te ṭanpuina tur hian Rs vbc 9.4 pek chhuah a ni dawn a, PRIME hnuaiha Rs vbc 6.1 pek chhuah a ni dawn bawk. Producer group member tinte hian mobilization fund, Rs 5,000 ṭheuh an dawng dawn a ni.