Hmarchhak a hmasa berah : Conrad Sangma

NPP national president Conrad Sangma chuan NPP chu BJP thuneih danah an chiang hle tih sawiin, hmarchhak mipuite nghawng thei thil kalpui a nih dawn chuan inrawnna mumal leh inbiak lawkna a awm ngei ṭhin dawn tih a sawi.

Citizenship Amendment Bill (CAB) chungchang pawh sawi chhuak lehin, CAB chu hmarchhak mipuite nghawng thil a ni a, hemi chungchangah hian BJP hruaitute chu a nghawng turte ngaihtuah tel turin a ngen tih a sawi bawk.

Hmarchhak mipuite duhdan chu humhim a ni tur a ni tih sawi bawkin, hmarchhak mipuite nghawng thei thilah chuan a ṭul a nih chuan an dodal dawn tih a sawi.

NPP chuan hmarchhak chu a hmasa berah an dah tih sawiin, hmarchhak mipuite chu an ngaihpawimawh hmasak ber an ni tih a sawi. Sangma chuan hmarchhak ngaihtuah bikna chu rampum duhdan dodalna a ni lo tih a sawi bawk a, chutih rual chuan NPP chu hmarchhak tana ding tur an nih thu a sawi.Tura MP, Agatha Sanga pawhin mainstream politics-a hmeichhiate an zuan luh ve a hun tawh tih sawiin, danglamna thlen tura an thawh a ngai tih a sawi ve bawk a ni.