Manipur-ah NEP convention huaihawt dawn

Manipur-ah March 11 hian National Education Policy (NEP) 2020 state-level mega convention  huaihawt a ni dawn. 

State Task Force on National Education Policy chuan kar liam taa review meeting an neihnaah, ni hnih awh tur convention buatsaih hi an rel a ni. Imphal-a City Convention Centre-ah NEP convention hi neih a ni dawn a,resource person-te nena inkawmna hunte siam a nih bakah, technical session pawh telh a ni dawn bawk. 

Chief minister N Biren Singh chuan convention hi a hawng dawn a, minister, MLA, pawl hrang hrang aiawh, zirtirtu,  expert bakah education department-a top official-te an tel ang. Education minister S Rajen Singh chaun National Education Policy inhrilhhriat leh zirtirna atana convention buatsaih a pawimawh thu  hi sawiin, expert leh department official-te chuan he policy a hlawhtlinna atan hian theihtawp an chhuah dawn a ni, a ti. Sorkar hmalaknaah an theih anga thawhpui zel turin mipuite a sawm nghal bawk.