Guwahati-ah electric bus tlantir hnai

Boruak bawlhhlawh tihziaawmna turin Assam State Transport Cor­poration (ASTC) chuan sorkar scheme AME (Faster Adoption and Manu­facturing of Electric vehicles) hnuaiah electric bus 15 an tlantir thuai dawn tih an tarlang.

Electric bus-te hi June 22 aṭang hian an tlan ṭan hman beisei a ni a, bus pakhatah hian seat 31 zel a awm dawn a ni.

Chief Engineer Balidan Das chuan elec­tric bus 15 an neih tawh thu leh sorkar laipui hmalaknaa an neih thu a sawi a, an tlantir chhin phawt hnuah an service tir dawn tih a sawi. ASTC hian bus-te hi Kachari-Kamakhya route-ah an tlan tir phawt dawn a, nikhatah ṭum nga vel an tlan tir dawn a ni. ISBT leh Paltan Bazar inkarah pawh bus ṭhenkhat chu tlantir an tum bawk.