Naga Council-in Dimapur-ah nawrh huaihawt khap

Naga Council Dimapur chuan thuchhuah siam­in, Dimapur huam chhungah bandh leh nawrh huai­hawt khap a nih thu an tarlang. 

Naga Council chuan Hohos, Union emaw Association emaw pawh nise Dimapur-ah chuan bandh leh nawrh huaihawt an khap tih an tarlang a ni. Council hian thuchhuah an siam hma hian tribal pawl hrang hrang 10-te chu public meeting an neihpui hmasa a, hemi hnuah hian thuchhuah hi an siam chauh a ni.

An thuchhuah siamah chuan bandh leh nawrh huaihawt chu mi tam takin an tuar ṭhin tih an sawi a, a thuchhuah zawm loa nawrh emaw bandh huaihawt luite chu rual pawl loah leh anmahni thawhpui duh loah an ngai dawn tih an tarlang.

Eng pawl pawhin ralmuang tak leh democracy kalphung palzut lo zawnga duh lohna an lantir duh a nih chuan District thuneitute hnenah phalna an la hmasa tur a ni, an ti bawk.