Meghalaya NGO-te'n Tura-ah session neih ziah phut

Meghalaya Garo Hills-a NGO-te chuan administrative leh legislative session tam zawk chu an district headquarter Tura-ah nei ṭhin turin sorkar an phut tih an sawi.

Garo Hills-a NGO ṭhenkhat chuan chief minister Conrad K Sangma chu Thawhṭannia session an neih zawh hnuah khan an hmu nghal a, Winter emaw Summer Session emaw chu Tura-ah neih ziah an phut tih an sawi a ni.

NGO-te chuan Tura-a Danakgre area-ah Governor chenna tur in sak an duh thu CM hnenah hian an thlen bawk.

All India Garo Union (AIGU), Garo Student Union (GSU) – Interim Body, All A·chik Youth Welfare Society (AAYWS), All A·chik Youth Federation (AAYF) leh Garoland State Movement Committee (GSMC)-te chuan CM hi hmuin ngenna hi an thlen a ni.