Tripura Chief Minister-in Indo-Bangla Waterway project kalpui thuai duh

Tripura chief minister Biplab Kumar Deb chuan Indo-Bangla waterway project chu a rang thei ang bera kalpui a duh tih sawiin, states commu­nicaton system kalphung thlak theitu tur a nih thu a sawi.

Waterway project kalpui tur hian Tripu­ra-a Gomati lui leh Bang­ladesh-a Meghna lui chu a pawh dawn a, hemi hmang hian Bangladesh-a lawngchawlh hmun Ashuganj port chu a thlen theih dawn a ni.

Project kalpuina tur chungchangah hian Thawlehni khan planning department-te meeting a neihpui a, project kalpui dan tura ruahmannate department hian an hrilh a ni. 

Chief Minister hian state transport depart­ment-te pawh he project chungchangah hian  Inland Waterways Authority of India (IWAI)-te inbiakna neihpui turin a ti bawk a, a rang thei ang bera hmalak ṭan dan tur ngaihtuah turin a ti.