Nagaland police-te'n Website tlangzarh

Nagaland police-te chuan news dik lo thehdarh beihletna turin IGP Range hnuaiah social media cell an din tih Director General of Police, T J Longkumer chuan a sawi.

T J Longkumer chuan Naga­land police-te hian mipuite tana ṭha zawka hna an thawh theihna turin digital lamah hma an la nasa hle tih a sawi bawk a, social media team an dinte pawh hian news lem leh mipui tiralkhel thei message-te an vil dawn tih a sawi.

Longkumer chuan ralmuan­na a awm theihna turin police-te chuan mipuite nen thawhhona ṭha zawk an neih dan tur an ngaihtuah tur a ni, tia sawiin, Inrinni liam ta khan police website www.police.nagaland.gov.in chu a tlangzarh.

DGP chuan langtlang zawka hna an thawh theihna turin website chuan interactive fea­ture a nei tih a sawi a ni.

Nagaland police-te chuan district tinah cyber cell din an tum tih a sawi bawk.