PM-in Tripura sorkar kum 3 tlin champha lawmnaah thu sawi dawn

Prime minister Narendra Modi chuan vawiina Tripura-a BJP sorkar a din champha kum thumna lawmna puala Agartala-a mega rally neih turah thu a sawi dawn. 

Chief minister Biplab Kumar Deb chuan Swami Vivekananda stadium-a vantlang inkhawm buatsaihah PM hian virtual hmangin thu a rawn sawi dawn tih a sawi. He inkhawm hi Tripura-a BJP-IPFT (Indigenous People's Front of Tripura) sorkar kum thum tlin lawmna atana buatsaih a ni tih a sawi bawk. 

Deb hi kum 2015 January thla aṭang khan BJP Tripura state committee president niin, nikum January 15 thleng khan he dinhmun hi a chelh a ni. Nikum kha dentist turned politician Manik Saha chu sttate party chief atan thlan niin, Deb hi a thlak a ni. Kum 2018 khan tribal based party IPFT nena thawkdunin, kum 25 zet Tripura-a sorkarna lo siam tawh, Communist Party of India-Marxist kaihhruai Left front sorkar an paihthla a, hemi kum March 9 khan kum 49  mi, Deb hi Chief Minister atan lakluh a ni. 

Rally buatsaih turah hian state chhung hmun hrang hrang aṭangin mi ṭhahnem tham tak an kal dawn nia sawi a ni a, he hunah hian ṭangrual sorkar hnathawh leh hlawhtlinna a neih hrang hrangte pholan a nih dawn bakah, an state tana hmathlir an neihte an puang bawk ang.