Chanchin ngah Agartala airport

Agartala airport hi kum 1942 khan, khatih hunlaia Tripura lal, King Maharaja Bir Bikram Kishore Manikya Bahadur chuan a din a, hmarchhaka airport dawrtu tam ber pathumna a ni mek. Guwahati Airport leh Imphal airport tih lohah chuan dawrtu ngah ber a ni.

Indopui 11-na lai khan US Army Air Forces, 4th Combat Cargo Group-te chuan an hmang a, Myanmar-a Curtiss C-46 Commando aircraft tlawh luh tirna atan an hmang. Khatih hunlaia ṭangrual sipaite mamawh, eitur leh ralthuam supply point-ah hman a ni bawk.

Tunah hian passenger nuai kua velin kumkhatah an hmang anga chhut a ni. A hma chuan Singerbill Airport tia sawi a ni ṭhin a, nikum khan Tripura lal hnuhnung ber Maharaja Bir Bikram Kishore Manikya Bahadur hmingchawiin, Union Civil Aviation Ministry chuan Maharaja Bir Bikram (MBB) Airport tiin a hming a thlak a ni.

Agartala aṭanga km 12 vela hla, hmartlang lama awm a ni a, Bangladesh border nen a inhlat lo hle.