Assam sorkar leh Piramal Foundation-te'n MoU ziak

Assam sorkar leh Piramal Foundation-te chuan zirna tihhmasawnna kawnga thawkdun turin, kum li chhung atan inremna Memorandum of Understanding (MoU) an ziak.

MoU hi NITI Aayog-in district panga huam chhunga zirna hmasawnna tura rua­hmanna a siamte tih­chang­tlunna tura ziah a ni. Piramal Foundation hian kawng hrang hranga zirna kawnga hmasawnna thlen a nih theihna turin sorkar hi a pui dawn a ni.

Inremna hian Baksa, Barpeta, Darrang, Dhubri leh Goalpara district-te a huam a, ‘Learning Outcomes’ leh ‘Transition Rate’ te chu an thlurbing tur a ni tih Piramal Foundation chuan an sawi. Assam Department of Elementary and Secondary Education, Commissioner and Secretary, Preetom Saikia chuan Piramal Foundation nena an thawkho tur chu lawmawm a tih thu sawiin, district hrang hranga school-ah hma­sawnna thlen an tum tih a sawi ve bawk. 

Mumbai-a hmunpui nei an ni a, 2006 kuma din a ni. Khawvel hmun hrang hranga healthcare, life science, drug discovery, healthcare information management, specialty glass packaging, financial service leh real estate sector lama sulhnu ngah tawh tak Piramal Group peng pakhat a ni. 

Piramal Foundation bik hi chuan healthcare, education, livelihood crea­tion leh youth em­power­ment-te an thlur­bing ṭhin a, hemi kawng­ah hian sorkar leh pawl hrang hrang an thawhpui ṭhin.