Manipur Chief Minister thupuangtu nia inchhal man

Manipur police-te chuan chief minister N Biren Singh-a offical thupuangtu nia Facebook-a inchhal mi pakhat an man.

An mi man hi kum 40 mi, Mansoor Alam a ni a, Imphal East-a Keirang area mi a nih thu an sawi. Alam hian sorkar chungchang thu dik lo social media-ah a post a, hemi chungchangah hian man a nih hnuah Thawhṭ-anni khan SP (Imphal East) office-ah a inpuang a ni.

Pathianni khan Chief Minister Office pawhin thuchhuah siam tawhin social media-a CM official thupuangtu nia inchhalin thu a post thu hi an tarlang. CMO chuan Chief Minister emaw CMO emaw chuan official thupuangtu bik an nei lo tih tarlangin, Mansoor Alam nena inzawmna an neih loh thu an tarlang bawk.