AN-32 aircraft chesuala thite ruang lachhuak fel

Arunachal Pradesh-a chesual, Indian Air Force thlawhtheihna , AN-32-a chuang mi 13-te ruang chu nimin khan lakchhuah vek an nih thu IAF chuan an tarlang.

IAF hian kar hmasa khan Cockpit Voice Recorder leh Flight Data Recorder an lakchhuah thu an sawi tawh a, kar khat zet a liam leh hnuah ruangte hi an lachhuak fel thei ta chuah a ni.

Khua a chhiat avang leh thlawhtheihna chetsualna hmun hi a chhengchhiat bawk avangin ruang lakchhuak hna hi a sawt thei lo a, hna an ṭan hnuah pawh vawi eng emaw zat an chawlhsan lailawk ve leh bawk ṭhin avangin hun a duh rei a ni.

AN-32 aircraft hi Russian siam a ni a, June 3 khan Assam-a Jorhat aṭanga thlawkchhuakin, Arunachal Pradesh-a Menchuka a pan a, a thlawhchhuah hnu darkar chanve velah biak pawh theih lohin a awmzui. Hemi hnu hian ni riat zet hnuah a awmna chin an hre chauh a, Siang dis­trict-a hmun chhengchhe takah an hmu a, hmun a nih hnu lawk­ah hian damchhuak an awm loh thu an puang nghal.

Ruang lakchhuah hna hi civil, army leh IAF miten an thawk a, a hmunah hian news reporter eng emaw zat an kal tel bawk.