AP CM-in sorkar laipui ṭanpuina beisei

Arunachal Pradesh chief minister Pema Khan­du chuan an state-ah hmasawnna thlen turin union finance ministry inrawlh tura a beisei thu sawiin, a bik takin hel hluarna district pathumah phei chuan hma la tura bei­seina a san zual thu a sawi.

Pema Khandu chuan union finance and corpo­rate affairs minister Nirmala Sitharaman hmuin, Khandu hi deputy chief minister Chowna Mein leh Arunachal East MP Tapir Gao-te chuan an ṭawiawm. Hel tamna hmun - Tirap, Changlang leh Longding district-ahte chuan a bik takin hmasawnna a awm theih­na turin sorkar laipui chu inrawlh turin an duh tih an sawi a, Indo-China border-ah pawh hmasawnna hnathawh a ṭul hle tih an thlen bawk.

Khandu hian Hollongi-a greenfield airport siamna tur pawisa pawh Nirmala Sitharaman hnenah hian a ngen bawk a, AP chu India rama state khawpuia airport la nei lo awm chhun a nih thu a sawi. Khandu hian Tirap, Changlang leh Longding district kaltlangin helten Myanmar an lut ṭhin tih a sawi bawk a ni.