ILP chungchangah Meghalaya sorkar la chiang thei lo

Meghalaya sorkar chuan an state-a Inner Line Permit (ILP) system hman an phutna chu sorkar laipui chuan a phalsak dawn em tih an la chiang thei lo. 

Chief minister Conrad K Sangma chuan Assembly House-a ILP hman phut chungchanga zawhna a chhannaah, state sorkar chuan sorkar laipui hnenah an ngenna hi ngaihtuah a, tihlawhtling turin a theih ang tawkin a la nawr chhunzawm zel a ni, a ti. 

MLA Mayralborn Syiem-a'n sorkar laipuiin ILP system hman a remtih dawn leh dawn loh chungchang sawichiang turin state sorkar a nawrna chu chhangin, CM chuan hma lak mek a nih thu a sawi. Kumin February 23 khan union home minister Amit Shah hnenah ILP hman an phut chungchangah memorandum pawh thehluh a lo ni tawh a ni.