Manipur-a ruihhlo siamna hmun hmuchhuak

Manipur police-te chuan Thoubal district-ah ruihhlo siamna hmun an hmuchhuak tih sawiin, ruihhlo tam tham tak an man bakah mi pathum man tel an ni bawk tih an sawi. 

Superintendent of Police Sarangthem Ibomcha Singh chuan police-te hian Lilong Nungei Khunou Mamang veng an dapnaah ruihhlo siamna hmun hi an man chhuah thu a sawi a, he hmun aṭang hian refined brown sugar gm 565, crude heroin leh brown sugar kg 1,104.98, morphinated liquid litre 131, ammonium chloride leh ruihhlo phurhna atana hman motor pali an man tih a sawi. 

Mi pathum an mante laka thubuai ziah luh nghal niin, ruihhloa sumdawnna inhnamhnawih mi dang palite chu man tuma zawn mek an ni bawk.