Smart City leh Green Agartala project a kal rual dawn: Tripura Chief Minister

Tripura chief minister Biplab Kumar Deb chuan multi-crore Smart City Project leh Green Agartala Project-te chu kum 181-a upa Agartala khawpui modern green city-a siamna turin a kalrual dawn tih a sawi.

Biplab Kumar Deb chuan, "Prime Minister Narendra Modi chuan March thlaah khan cheng vaibelchhe 11,370 senna tur ‘Smart City Project’ chu Agartala-ah a tlangzarh a ni. Tripura Forest De­partment pawhin thing­kung chi hrang nuai chuang phunaa tur ‘Green Agartala Project’ chu an kalpui ve bawk. Heng project pahnihte hi kan state khawpui modern green city-a siamna turin an kal rual dawn a ni," a ti. 

Kumar Deb hian Pathianni khan 'Run for Green Agaratala'-a tlan turte a vai liam a, hemi hnua thu a sawinaah hian Inrinni khan Gomti district-ah thing 6,500 phun a nih thu a sawi. Tripura forest and tribal welfare minister Mevar Kumar Jamatia chuan kawngpui bula chengte hnenah kawngpui dunga thingphunte an enkawlna atan state sorkar chuan thlatin cheng 200 ṭheuh an sem dawn tih a sawi a, hei hi Tripura lan mawina tur leh khualzin an hipna tur a nih thu a sawi a ni. 

Jamatia chuan state sorkarin ruahmanna a siam ang chuan kumin chhung hiang thingkung nuai 10 tal phun hman an tum tih a sawi. July 2 aṭangin hmalakna an ṭan dawn tih a sawi bawk.