Vawiinah Kuki political talk nei leh dawn

Sorkar laipui, Manipur sorkar leh Kuki pawl pahnih - United People’s Front (UPF) leh Kuki National Organization (KNO)-te chuan vawiin hian inbiakna an nei leh dawn. 

Inbiakna an neih leh tur hi a ṭum sarihna a ni tawh dawn a, Nikum January 10 hnua inbiakna an neih leh hmasak ber tur a ni. UPF hian Kuki autonomous hill state hran an phut a, hetihlai hian KNO hian Kuki state hran an phut ve bawk a ni. Interlocutor AB Mathur chuan remna zawnga inbiakna chu a lungawi thlak hle tih a sawi tawh bawk.

Inbiakna hi New Delhi-ah an nei dawn a, UPF thupuangtu Aaron Kipgen chuan nimin khan vawiina inbiakna an neih turah hian Kuki Community-a tribal hruaitute chu UPF leh KNO-te moral support pe tura a duh thu a sawi.

Aaron Kipgen chuan an commu­nity a- Paite tribe, Vaiphei Gangte, Simte, Anal, Chiru, Zou leh Thadou hruaitute thlawpna a ngen thu leh kohhran hruaitute pawh an ṭawngṭainaa hre tura a ngen thu a sawi bawk.

United People’s Front thu­puangtu hian a hma pawhin Kuki hruaitute hi a lo hmu tawh a ni.