Meghalaya CM-in Union Transport Minister a hmu Kawngpui siam project chungchang a sawipui

Meghalaya chief minister, Conrad K Sangma chuan Thawhṭanni khan union tran­sport minister Nitin Gadkhari chu New Delhi-ah hmuin an state-a highway project kalpui mek chung chang a sawipui.

Conrad K Sangma chuan, "State-a project kalpui mek chungchang kan sawidun a, Central Road Fund (CRF) project leh national highway project kalpui mekte bakah national highway project kalpui tura ruahmanna awm sate chu a rang lama ṭan a nih theih dan tur kan sawidun a ni," a ti.

Meghalaya-ah hian CRF hnuaia project sanction hi 61 a awm a, heng zawng zawnga hman tur hian cheng vaibelchhe 371.2216 dah a ni. Interstate connectivity project pakhat, cheng vaibelchhe 60.4228-a kalpui tur a awm bakah Bharatmala Pariyojana hnuaiah 4 lane leh 2 lane project pahnih ve ve kalpui tur a awm bawk. A thupunga pawm tawh National Highway project pahnih, National Highways & Infrastructure Development Corporation Limited (NHIDCL) project leh State PWD project-te a awm bawk a ni.

Japan International Co­operation Agency (JICA) funding project pali a awm bawk a, hengte hi NHIDCL chuan an kalpui ang. Conrad Sangma chuan Gadkhari chhanna chu a lawm­awm lam a nih thu sawi­in, tun financial year chhung ngei hian project ṭhen­khat, hun eng emaw chen tihkhawltlai tawhte chu thawh a ni dawn tih a sawi.

CM chuan state sorkar kutah pawh thui tak a innghat ve bawk tih sawiin, forest clearance leh clearance dang pek kawngah hma an lak ve a ngai tih a sawi a ni. Chief minister Sangma chuan Meghalaya leh hmar­chhak chu ngaipawi­mawh an nih thu a sawi bawk.