Tawang-a Hmeichhe zirlaite smart phone sem

Arunachal Pradesh-a Tawang MLA Tsering Tashi, DC Sang Phuntsok, DDSE Tawang Hridhar Phuntso leh Govt.Hr.Sec School Tawang-a SDMC member-te chuan Thawhṭanni khan 2017-18 aca­demic session-a pawl 12 pass, sorkar school-a zirlai hmeichhiate hnenah smart phone an sem.

DDSE Tawang, Hri­dhar phuntso chuan zir­laite chu a eng zawnga thil thlir tur leh khua leh tui ṭha ni turin a chah zui a, DC Sang Phuntsok pawhin smart phone sem a ni chu hmeichhiate zirna an ngaihpawimawh zia lantirna a nih thu a sawi ve bawk. Hmeichhiate thiamna kan pe a nih chuan chhungkua thiamna kan pe tihna a ni, tia sawiin; nute chu naupangte zirtirtu hmasa ber an ni, a ti.

MLA Tsering Tashi chuan zirtirtute leh zir­laite thawhrimna fakin, education department-te chu ṭha lehzual zawka thawk turin a ngen bawk a ni.