Meghalaya-in MLA leh bureaucrats-te hlawh 50% cut dawn

Meghalaya sorkar chuan state ṭhenkhatte tih dan zawmin, Covid-19 dona kawnga sorkar sum mamawhte phuhrukna turin March thla MLA-te leh All India Services (IAS, IPS and IFS) officer-te hlawh chu 50% a cut sak dawn. 

Lockdown puan vangin state sorkar sum lakluh pawh a nghawng dawn hle tih sawiin, Meghalaya sorkar chuan a sum hmanchhuah pawh tihhniam a, hri dona atana sum tam zawk dah a tum a ni. 

Deputy chief minister Prestone Tynsong chuan sorkar-a in register, labour 10,000 chuangte bank account-ah Rs 1,000 ṭheuh dah sak an ni tih a sawi bawk. Meghalaya sorkar hian ni 21 chhung lockdown puan a nih avanga hna thawk thei loa awm, nitina inhlawhfa ṭhin, sorkara in register-te chu kar tin Rs 1,000 ṭheuh pek an nih tur thu a lo sawi tawh a ni.