AP CM-in 'halfway home' tan Rs nuai 50 pe

Arunachal Pradesh chief minister Pema Khandu chuan Deepak Nabam Living Home (Halfway Home) tan a mimal pawisa, cheng nuai 50 a pe. 

Deepak Nabam Living Home (Halfway Home) hi Senki View-a awm niin, rilru lama harsatna nei, fahrah, tar leh ngawlveite enkawlna hmun a ni. He institution hi Deepak Nabam leh a nupui, Protima Nabam-ten sorkar leh pawl lam puihna tel loa an siam a ni. 

Thawhlehni khan Khandu hian Home hi a tlawh a ni. Chief Minister chuan he institute leh an hnathawh dan video clip-te chu a hmain a staff pakhatin a entir thu sawiin, hetiang taka midangte tana inpe, rawng bawl hi an awm tih a lo hriat loh thu a sawi. He home-ah hian enkawl lai tam tak an awm chungin an infrastructure-te a chhe  hle a, hei hian a rilru a khawih hle tih a sawi bawk. An chanchin a zawhchianna aṭangin, Home hian sorkar laipui leh state sorkar aṭangin eng ṭanpuina mah an dawng lo a, Deepak Nabam-te nupa hian anmahni sum lakluh leh, duhsaktu mi tlemte puihna hmangin an enkawl tih a hriatchhuah thu a sawi bawk. 

"Hei vang hian he Home hi tlawh ngei ka duh ta a ni" tiin, Khandu chuan Home-in a mamawh hrang hrangte pawh a theih anga tihhlawhtlin sak zel a tiam bawk.