NLFT-in inremna siam thuai turin sorkar laipui a ngen
Tripura hel pawl - National Liberation Front of Tripura (NLFT) chuan sorkar laipui chu July thla tawpa remna siam tura inremna siam hman ngei turin an ngen.
NLFT hian union home minister Amit Shah hnenah lehkha thawnin, inremna zawnga inbiakna chu chak lehzuala kalpui turin an ngen. NLFT chairman D Yamrok, Joshua Debbarma chuan Home Minister hnenah hian lehkha thawnin, India sorkar nena inremna zawnga inbiakna chu 2015 aṭang khan kalpui ṭan a nih tawh thu leh ṭum nga an inbiak tawh thu a ziak. Sorkar laipui chuan ṭum eng emaw zat inremna chu an siamfel thuai dawn thu an tiam tawh thu ziakin; anni chuan a ṭul ang zawng zawnga hma an lak thu an thlen bawk.
An fate pawh academic session tharah an hming an la ziahluh loh thu an ziak bawk a, inremna siam vat chu thil ṭul tak a ni tawh tih an sawi.
NFLT
National Liberation Front of Tripura hi Dhananjoy Reang din a ni a, kum 1989 March thla khan a din a ni. Mahse 1993-ah khan Reang hi phiaruk niin, hotu nihna aṭang hian paihthlak a ni. Hemi hnu hian Nayanbasi Jamatiya chuan kaihruai chhunzawmin, Biswamohan Debbarma chuan a thlak ve leh. Independent Tripuri state ngiat vanga hel an ni a, tunah hian member 550 aṭanga 800 vel nei anga chhut an ni.